Non é habitual que un debate científico alcance o nivel da rúa. E, con todo, a investigación con células nai aparece nos informativos de máxima audiencia e entrevístase amplamente a científicos que até agora non saíran do seu laboratorio. Isto é así porque o uso de determinadas células, as denominadas células nai, provocou discrepancias éticas na comunidade de científicos, a clase política e, por suposto, a sociedade.
As células nai son o gran avance biolóxico do últimos vinte anos, xa que poden reproducirse infinitamente e, en determinadas condicións, converterse en calquera dos tecidos ou órganos que forman o corpo humano. Así, poden utilizarse no tratamento de enfermidades que danan ou destrúen tecidos ou órganos. O seu uso máis ambicioso é utilizalas para a «fabricación» en laboratorios de órganos para transplante e para tratar ou reparar os danos que causan no organismo enfermidades como a hepatite, a diabetes, o Parkinson ou a enfermidade de Alzheimer.
No entanto, non todas as células nai proceden do mesmo lugar. E a súa orixe é o que provoca conflitos éticos e morais sobre a súa utilización.
No hay comentarios:
Publicar un comentario